poemtopia

အော် အင်း ဟုတ်တယ် မနေ့ညက ကျွန်တော် ကမ်းခြေတစ်ခုမှာ ရောက်နေတယ်။ ဖုန်သိပ်မိုးလေးက မဆိုသလောက် နှောက်ယှက်တယ်။ ဦးထုပ်လေး ဆောင်းထားရင်းနဲ့ ခြေဗလာမှာ သဲတွေပေတယ်။ ဘီယာတစ်ဗူးနဲ့ ကမ်းစပ် ရပ်ခွင့်မရပေမဲ့ သူမရဲ့ဘေးမှာ ရှိနေခွင့်ရတယ်။ ၀ိုင် အနည်းငယ်နဲ့ ဥရောပ ဆန်ဆန် ညစာ နည်းနည်းစားဖြစ်တယ်။ ကမ်းစပ်က ရေထဲမှာ လမ်းလျှောက်ရင်း စကားတွေ ပြောဖြစ်တယ်။ ခြေဖ၀ါးလေးတွေ ကြိမ်းစပ်လို့ အပျော်တွေလဲ ထိန်းလို့ပေါ့။ စိတ်ပင်ပန်းမှုတွေကို အယောင်ဆောင် ပင်လယ်ထဲ မျောပြီး မရောက်ဖူးတဲ့ ငပလီကို မှန်းဆကြည့်တယ်။ ကြိုတင် စီစဉ်မှု မရှိပဲ လှမ်းခေါ်လို့ သွားခဲ့ပေမယ့် ထိုက်တန်တဲ့ ဒုက္ခလေးတွေတော့ ကျေကျေနပ်နပ် ခံယူခဲ့တယ်။ ကျွန်တော်ဘ၀အတွက် မမေ့နိုင်တဲ့ ညလေးတစ်ညဖြစ်တဲ့အတွက် မအိပ်ပဲ သူငယ်ချင်းတွေနဲ့ ဆော့ရင်း သူမ ဖုန်း ဘယ်အချိန် ခေါ်မလဲ မျှော်နေခဲ့တယ်။ သူမ အိပ်နေတဲ့ အချိန် နဖူးကို ဖွဖွလေးနမ်းကြည့်ချင်မိတယ် ဖြစ်နိုင်မယ်ဆိုရင်ပေါ့။ မိုးလင်းတော့ မုန့်ဟင်းခါးစားချင်နေတဲ့ သူမက ဘာမှန်းမသိတဲ့ မနက်စာနဲ့ ကော်ဖီခါးခါးတခွက် သောက်လိုက်ရရှာတယ်။ ပြီးတော့ သူမက အရမ်းတော်တဲ့ ဓာတ်ပုံဆရာလေ။ ဘာပဲဖြစ်ဖြစ် သူမကို ကျွန်တော် ချစ်သလို သူမကလဲ ကျွန်တော့်ကို ချစ်မယ်ဆိုရင် ပြီးပြည့်စုံမယ့် ကမ်းခြေ ညလေးတစ်ည ဖြစ်သွားမှာပါ။

ပုံ/ ဖိုးဂျယ်

ကိုဝင်းမင်း ဖတ်ချင်တဲ့ tag လေး “မတရားမှုတခုမှာ သင်ဟာ ကြားနေတယ်ဆိုရင်… သင်ဟာ ဖိနှိပ်သူဘက်က လိုက်ဖို့ ရွေးချယ်လိုက်တာနဲ့ အတူတူဘဲ” တဲ့ ကိုဝင်းမင်း ခင်ဗျာ အကို tag ထားတာက နိုင်ငံရေး ဆန်နေပါတယ်။ ကျွန်တော်က နိုင်ငံရေးနဲ့ ပတ်သက်လို့ နားမလည်ပါဘူး။ ဒါပေမဲ့ လေးစားသမှုနဲ့ အကို tag ထားတာကို နားလည်သလောက် ရေးလိုက်ပါတယ်။

ဖိနှိပ် သူက ဘယ်သူလဲဆိုတာလဲ အရေးကြီးပါတယ်။ တခါတုန်းက ရပ်ကွက်တခုမှာ ညနေတိုင်း အရက်မူးပြီး ပြန်လာရင် ရန်အမြဲဖြစ်တဲ့ လင်မယားနှစ်ယောက်ရှိပါတယ်။ ညနေတိုင်းယောင်္ကျားက မူးလာရင် သူ့မိန်းမကို ရိုက်နှက်တတ်တယ်။ အစကတော့ ဘေးပတ်ဝန်းကျင်က ၀ိုင်းဆွဲပေမဲ့ နေ့တိုင်းလိုဖြစ်နေတော့ ထုံးစံတခုဖြစ်လာတယ်။ ဒါနဲ့ တစ်နေ့တော့ ထုံးစံအတိုင်း ယောင်္ကျားက မူးပြီး ရိုက်နေတာကို သူ့မိန်းမက အော်နေကျအတိုင်း ” အောင်မလေး ဒီအတိုင်းပဲ ကြည့်နေတော့မှာလား အရပ်ကတို့ရဲ့ ” ဆိုပြီး ငိုကြီးချက်မနဲ့ အော်တာပေါ့။ ဒါကို လမ်းမှာ သွားနေတဲ့ လူစိမ်း ယောင်္ကျားတစ်ယောက်က လူစွမ်းကောင်းလုပ်ပြီး အဲ့မိန်းမရဲ့ ယောင်္ကျားကို ၀င်ထိုးလိုက်ပါရော ဒီမှာတင် ခုဏက ငိုကြီးချက်မနဲ့ မိန်းမက ချက်ချင်းပဲ ထပြီး “ကျွန်မယောင်္ကျားကို လူရမ်းကားတစ်ယောက် ၀င်ရောက် ထိုးကျိတ်နေပါတယ် ” ဆိုပြီး အော် ပါလိမ့်ရောလား။ ဒီတော့ ခုဏက လူစွမ်းကောင်းလဲ နောက်ကျတဲ့ ဖနောင့် သစ္စာဖေါက်လို့ သဘောထားပြီး ပြေးပါလိမ့်ရောလား။

အဲ့လို မတရားတဲ့ အခြေအနေမျိုးမှာရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ပြေးပေါက်မှားမယ်နော့

အိမ်ထောင်စုတစုမှာ အဖေက ရမ်းကားပြီး သားသမီးတွေ မတရားရိုက်နှက် ဆုံးမနေတယ်ဆိုရင်ရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ဒါဆိုရင်တော့ သေချာတယ် တစ်အိမ်လုံး ၀ိုင်းရိုက်တာ ခံရမယ်။

လက်ထဲမှာ လုပ်ပိုင်ခွင့်တွေနဲ့ လုပ်ချင်ရာလုပ်နေမှန်းသိသိကြီးနဲ့ လုပ်နေတာကိုရော ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? ကိုဝင်းမင်း လက်ထဲမှာ တခုခုရှိတယ် ဆိုရင်တောင် လုပ်ရဲလို့လား။ ကိုယ်ကို့ကိုယ် အရင်မေးကြည့်နော့။

ချစ်သူနှစ်ဦးမှာ တစ်ဦးဦးက မတရားသဖြင့် ချူစားနေတယ် ဆိုပါဆို ကိုဝင်းမင်း ရပ်ကြည့်နေမလား???? ၀င်ရောက်စွက်ဖက်မလား ????? သတိထား ပါးရိုက်ခံရမယ်နော့

ကဲဒီလောက်ပါပဲဗျာ။ ကျေနပ်မယ်လို့ယူဆပါတယ်။

လေးစားစွာဖြင့်

ငမွဲကောင်ငယ် ဖိုးဂျယ်လေးမှာ တရုပ်နှစ်သစ်ကူးတွင် ဘယ်မှ သွားစရာမရှိ၍ အိမ်တွင် ပိုးစိုးပက်စက် လူမဆန်စွာ အိပ်ခြင်း၊ စားခြင်း နှစ်မျိုးအား အသည်းအသန် ပြုလုပ်နေသောကြောင့် မအားမလပ်ဖြစ်နေပြီး အိမ်လည်သမှုအပြု ကိစ္စအား မပြုလုပ်နိုင်ရှာပဲ အားအားယားယား အပျင်းတစ်နေကြောင်း ကိုယ်ကိုကိုယ် သိမြင်နားလည်လိုက်သော အခါ အိမ်လည်မယ်ကွဟု ကြုံးဝါးချိန်တွင် အရင်က အိပ်ရေးပျက်ထားသော ဒဏ်တွေက ပေါ်လာပြီး မျက်ရိုး ကိုက်ခြင်း၊ ခေါင်းကိုက်ခြင်း စသော သောက်ပျင်းတစ် ရောဂါများ တခုပြီး တခု ပေါ်လာသဖြင့် မဖြစ်ခြေဘူးလေ အိမ်လည်လို့ မဖြစ်သေးဘူးကွ အိပ်တာပဲ ကောင်းတယ်ဟု တွေးတောနေတာကို သူမက လာရောက်နှောက်ယှက်လေရာ အိပ်မဲ့အရေး ပြတ်တောက်ကာ သူမအကြောင်းတွေးတောနေမိသော ကိုယ်ခေါင်းကို ရိုက်ခွဲချင် စိတ်ပြင်းပြလာသောအခါ အဖြစ်ချေသေးပါဘူး ချစ်တာ ချစ်တာ တပိုင်း ကိုယ့်ခေါင်းတော့ ရိုက်ခွဲလို့ မဖြစ်ချေသေးဘူးလေ ကိုယ့်မှာ လုပ်စရာတွေရှိသေးတယ်လေ သူမကို ချစ်တာ အပြင် အားအားယားယား အရည်မရ အဖတ်မရသော ဘလော့လဲ ရေးရဦးမယ်လေလို့ တွေးတော့မိသောကြောင့် ပျော်ရွှင်စရာ တရုပ်နှစ်ကူးလေ ဖြစ်ပါစေလို့ ဆုမွန်ကောင်းတောင်းပေးရင်း စာကို အဆုံးသတ်တော့ရန် စဉ်းစားမိသောကြောင့် အလာပ သလာပပြောတာတွေ လျှော့မှပဲဖြစ်တော့မယ်ဟေ့လို့ မည်တွန်တောက်တီးပြီး သကာလ အိပ်ရန်ပြင်ဆင်ရင်း နိဂုံးချုပ်အပ်ပါကြောင်း အသိပေးပြောကြားလိုက်ပါတော့လေ သတည်းဟု ပြောကြားရန် စဉ်းစားမိလေသည်ဟူ၍ ဤတွင်ပြီးဆုံးကြောင်းဖြင့် အဆုံးသတ်အပ်လိုက်ပေသည်။

သူမကို ကျွန်တော်က ” မ ” ဟု ခေါ်ပါသည်။

အမှန်လည်း သူမကို ကျွန်တော်က ” မ ” ဟု ခေါ်ပါသည်။

ကျွန်တော့ကို ကလေးလို မနေစေချင်တဲ့ ” မ “

ကျွန်တော်က သူမကို ” သူမ ” လို့ မခေါ်သလို

သူမကလဲ ကျွန်တော်ကို ” မောင် ” ဟု မခေါ်ပါ။

ဒါဆို ဘာဖြစ်လို့ရေးလဲဆိုပြီး မေးလာရင်

ဘယ်ကသာ . . . .

ကျွန်တော် စိတ်ကူးယဉ်ထားခြင်းမျှသာဖြစ်သည်။

သူမကို ကျွန်တော်က ” မ ” ဟု ခေါ်ပါသည်။

အမှန်လည်း သူမကို ကျွန်တော်က ” မ ” ဟု ခေါ်ပါသည်။

ကျွန်တော့ကို ကလေးလို မနေစေချင်တဲ့ ” မ “

ကျွန်တော်က သူမကို ” သူမ ” လို့ မခေါ်သလို

သူမကလဲ ကျွန်တော်ကို ” မောင် ” ဟု မခေါ်ပါ။

ဒါဆို ဘာဖြစ်လို့ရေးလဲဆိုပြီး မေးလာရင်

ဘယ်ကသာ . . . .

ကျွန်တော် စိတ်ကူးယဉ်ထားခြင်းမျှသာဖြစ်သည်။

သူမက ကျွန်နော်ကို ခေါ်တာ ” မောင် “ တဲ့

ဒါဆို ခင်ဗျားတို့ အမြင်မှာ

သူလို ကိုယ်လို ခေါ်နေကျ မထူးခြားတဲ့

” မောင် ” ဆိုတဲ့ အသံပဲ ကြားယောင်နေမယ်ဆိုတာ

ကျွန်တော် သိတယ်။

သူမခေါ်တဲ့ ” မောင် “ က

တခါတခါ ကြင်နာယုယတဲ့ ခေါ်သံ၊

တခါတခါ စိတ်ပူတဲ့ ခေါ်သံ၊

တခါတခါ ဂရုဏာဒေါသထွက်နေတဲ့ ခေါ်သံ၊

တခါတခါ အလိုမကျလို့ စိတ်ကောက်နေတဲ့ ခေါ်သံ၊

တခါတခါ ကျွန်နော်ကို အားလို အားမရ ဖြစ်လို့ ခေါ်သံ၊

တခါတခါ အမြင်ကပ်ကပ်နဲ့ခေါ်တဲ့ ချစ်ဖွယ်ကောင်းတဲ့ ခေါ်သံ၊

အခုလို မအိပ်ပဲ ကဗျာရေးနေတာ သိရင်

အလိုမကျတဲ့ အသံနဲ့ စိတ်ပူပြီး ” မောင် “ လို့

ခေါ်ဦးမှာ မြင်ယောင်မိသေးတယ်။

ကျွန်နော်ကတော့ သူမကို ” သူမ ” လို့ပဲ

ရိုးရိုးရှင်းရှင်းလေး ခုထိ ခေါ်ဆဲပေါ့။

သီချင်းစ ခံစားတတ်ခါစကတော့ ပထမဆုံးနားထောင်ဖူးတာ လွင်ဂိုရဲ့ ကံကောင်းခြင်းလက်ဆောင်လို့ မှတ်မှတ်ရရ သတိတရရှိတယ်။ နောက်တော့ အဖေရဲ့ တွံ့တေးသိန်းတန်၊ စန္တရားချစ်ဆွေ စတဲ့ လူကြီးအကြိုက်တွေပေါ့။ အဲ့သီချင်းတွေကတော့ အမြဲနားထောင်နေရတော့ နားရည်ဝနေပြီပေါ့။ အမေကတော့ အဲ့ အဆိုတော်တွေတောင် နားညည်းတယ် ပြောပါတယ်။ ကျနော်တော့ ဘယ်လိုမှ နားမလည်ဘူး။ ဒီတော့ ကျနော် ငယ်ငယ်တည်းက သီချင်းနားထောင်တာ ၀ါသနာပါလာတယ်။ အဖေကတော့ ပြောရရင် အဆိုကောင်းတယ်။ အကိုကြီးက တခါတခါ အဆိုဝင်ပြိုင်လေ့ရှိပေမဲ့ ဆုတွေဘာတွေတော့ မရဖူးပါဘူး။ ကျနော်ကတော့ လုံးဝမဆိုတတ်ပါဘူး။ နားထောင်သမားသက်သက်ပါ။ အမျိုးအစားစုံအောင် နားထောင်ပေမဲ့ အရမ်းအေးတဲ့ Pop ဆန်ဆန်သီချင်းတွေတော့ နားမထောင်ဖြစ်ပါဘူး။ မြန်မာအဆိုတော်ထဲမှာတော့ ဒိုးလုံး၊ synergy (ခုတော့ အဖွဲကွဲသွားပါပီ) မောင်မောင်ဇော်လတ် စတဲ့ Aiternative လေးတွေ ပိုကြိုက်တယ်။ အစကတော့ Slipknot လို ခပ်ပြင်းပြင်း Metal rock တွေ နားထောင်ဖြစ်တယ်။ အခုနောက်ပိုင်း နားမထောင်ဖြစ်တော့ အဖွဲ့ နာမည်တွေ မေ့ကုန်ပြီ။ အေးအေးလေးနဲ့ အော်တဲ့ Evanescence လဲကြိုက်တယ်။ Limp Bizkit / Linkin park ကတော့ ကျနော် အသည်းစွဲပေါ့။ Limp Bizkit ကတော့ နည်းနည်းကြမ်းတယ်၊ ရိုင်းတယ်။ ဒါပေမဲ့ စိတ်ညစ်နေရင် စိတ်ထွက်ပေါက်ရတာပေါ့။ Linkin Park ကတော့ ပြည့်စုံတယ်။ Rap ရွတ်တဲ့ သူလဲကြိုက်တယ်။ အော်တဲ့ သူကိုတော့ crazy ပိုဖြစ်တယ်။ သူလို မအော်နိုင်လို့ သူနာမည်လဲ အရင်က မှတ်မိတယ် ခုတော့ မေ့သွားပြီ။ Linkin park ရဲ့ In the end / Crawling / Points of Authority တို့ဆို အရမ်းကြိုက် အခု မရိုးဘူး။ ဒါပေမဲ့ အခုနောက်ပိုင်းတော့ R&B ဆန်ဆန်တွေ ပိုကြိုက်လာတယ်။ နားထောင်ရတာ မြူးမြူးကြွကြွရှိလို့ အရင်ကဆို Rap တို့ R&B တို့ သိပ်နားမထောင်ဖြစ်ဘူး။ ဒါပေမဲ့ Rocker လဲ မဟုတ်ဘူး။ Country လဲ မဟုတ်ပေမဲ့ အ၀တ်အစားတော့ Country ကို အပြည့် ၀တ်ရတာ ကြိုက်တယ်။ ဒါပေမဲ့ စဉ်းစားကြည့်တော့ အခုချိန်မှာ ငယ်ရွယ်တုန်း လူငယ်ဆန်ဆန်တွေပဲ ၀တ်သင့်တယ်လို့ ယူဆတာရယ် ပေါ့ပါးတာရယ်ကြောင့် ပေါ့ပေါ့ပါးပါး Rap ဆန်ဆန်လေးတွေ ၀တ်ဖြစ်တယ်။ you were my everything ဒီသီချင်းလေးကို ကျွန်တော်ဘာကြောင့် ကြိုက်လဲဆိုတော့ စာလေးနဲ့ သံစဉ်လေးက အရမ်းလှလို့ပါ။ အီးမကျွမ်းပေမဲ့ နားလည်သလောက်ပြောရရင် စာသားလေးတွေက ကဗျာဆန်တယ်လို့ ခံစားရတယ်။ သီချင်း အမျိုးအစား ခွဲတာ မကျွမ်းကျင်ပေမဲ့ ဒီပုံစံလေးက R&B (or) Hip Hop လို့ထင်ပါတယ်။ နားထောင်ကြည့်သွားပါဦးနော်။

ဒီပုံအကောင်းက နန်းညီ လုပ်ပေးထားက ဒီဖက်ကတော့ ကျနော် ပျက်ဆီးအောင် လုပ်ထားတာလေးပေါ့

ငါ မနက်အိပ်ယာထတော့

မျက်နှာမသစ်ပဲ

ထုံးစံအတိုင်း ဟိုခွေ ဒီခွေ

ဟိုလျှောက် ဒီလျှောက် လုပ်ရတာ

အရသာတွေ့နေတယ် . . . .။

ဒါနဲ့ အဓိပ္ပာယ်မဲ့ မှန်ရှေ့ရပ်မိလိုက်တယ်

ဟင် !!!!!!!!!!!!!

မှန်ထဲမှာ ဘယ်လဲဟ ! ! ! !

ငါဟာ ငါနဲ့ မတူတော့ဘူး . . . .

(တုန့်လှုပ်ခြောက်ခြားသွားတယ်)

သေချာကြည့်လေ မတူလေပဲ . . . .

ငါ ဒီမျက်နှာနဲ့ နေတာ

ဘယ်လောက်ကြာသွားပြီလဲ ? ? ? ?

မှန်မကြည့်ပဲ အိပ်နေတာ ကြာပြီလေ။

အရင် မျက်နှာ ပြန်လိုချင်နေတာလား ? ? ? ?

ဒါပေမဲ့ . . . .

ဒီမျက်နှာက နည်းနည်း လူရာဝင်သလိုပဲ